Sinek me furt traži
da pričam po naški,
kak pričal je negda
stari deda,
onak – zagrebački.
Eh sinek,
načuli vuho
na koju god stranu
i čul buš, mi živimo
v jezičnom arsenalu.
Oko nas spikaju,
štokaju, čakaju…
Ali kad veliš Kaj,
gledaju te
kak da si dvoglavi zmaj.
Nigdar mi nebu jasno,
kaj bi, zapraf, dojdeki šteli?
Zakaj tu, doma,
kajkati ne bi smeli?
Novih je duša
v gradu sve više
i tak je to kajkanje
nekak – tiše.
Potiho zgiba
naš purgerski duh
a nove nam reči
kvariju sluh.
Pak morti bumo
mi Zagrepčanci,
sami sebi
postali stranci…
Zato sinek, čuvaj
svoj govor starinski,
zagrebečki,
materinski.
Došlo bu vreme
da reč domaču
niko več ne bu znal.
Viš, brzo se puni
jezični arsenal.
